اليوم جايبة لكم مكالمه تفطسسسسسسسسسس ضحك:77:

اليوم جايبة لكم مكالمه تفطسسسسسسسسسس ضحك

ترررررن ترررررن

صاحب السوبر ماركت : الو السلام عليكم .

الولد: الوووووو البوليس بوليس النجده .

صاحب السوبر ماركت : بوليس ايه يبنى لا احنا السوبر ماركت .

الولد : الحقنى يا عمو الشرطى انا عاوز ابلغ عن جريمه قتل.

صاحب السوبر ماركت :عمك الشرطى مين ياض انا بقولك انا صاحب السوبر ماركت.

الولد : وانا بقولك فى جريمه قتل.

صاحب السوبر ماركت :جريمه قتل يخرب بيتك وبتكلمنى اقفل مليش دعوه.

الولد : كده يا عمو الشرطى مش انتو برضو بتقولو ان الشرطه فى خدمه مجلس الشعب.

صاحب السوبر ماركت :مجلس الشعب ومجلس الشورى ايه يبنى اسمها الشرطه فى خدمه الشعب.

الولد : طب اخدمنى بقه ونفذلى طلبى.

صاحب السوبر ماركت :يبنى اخدمك بعنيه وانفذلك طلبك بس يكون حاجه سهله يعنى عاوز نص كيلو جبنه براميلى على ربع لانشون

على علبتين جبنه نستو لافاش كيرى .انما تقولى قتل لا لحد هنا وستوب.

الولد : مش بحب لافاش كيرى عندك بريزدون.

صاحب السوبر ماركت :ده انت عيل رخم قوى بقا بتقول عندك جريمه قتل وتكلمنى عاوز بريزدون .

الولد : ما الخوف اللى انا فيه جوعنى .

صاحب السوبر ماركت :بس للاسف مش هوصلك طلبك دليفرى عشان القتيل اللى عندك

منا عارف الحركات دى اجيلك تكون كلمت البوليس وتقوله هو ده اللى قتله .

الولد : خلاص كتك الارف انت مش جدع على فكره.

صاحب السوبر ماركت :وانت عيل رخم على فكره.

وقفل السكه.

....

شويه وجرس تليفون السوبر ماركت رن تانى .

صاحب السوبر ماركت :الووو

الولد : الو الاسعاف.

صاحب السوبر ماركت : انت هتستلمنى شكلك انهارده.

الولد : لو سمحت عاوز عربيه اسعاف ماركه بيجو 7 راكب مكيفه .

صاحب السوبر ماركت :ما اجيبلك شيروكى احسن وبعدين بيجو 7 راكب ومكيفه ازاى يعنى.

الولد : القتيل عندو نبض فى امل يعيش الحقنى بسرعه.

صاحب السوبر ماركت : انا امى دعت عليه شكلها انهارده .

الولد : اكيد زعلتها هو فى احسن من حنان الام يا عمو دى الام دى مدرسه .

صاحب السوبر ماركت :بس ياض انت هتعملى فيها استاذ وتكلمنى عن الام .

الولد : انت راجل عديم الاحساس.

صاحب السوبر ماركت :وانت عيل ابرد منك ما شوفت.

وقفل السكه .

شويه وجرس التليفون رن تانى.

صاحب السوبر ماركت :الووووووو.

الولد: الووو المطافى.

صاحب السوبر ماركت : ياريت تولع عشان اخلص منك .

الولد : يا عمو القتيل هيموت محروق منى الحقنى .

صاحب السوبر ماركت : هيموت منك مش عيب عليك تبقا عيل فى كى جى تو وتبقا قتال قتله .

الولد : متقلبش عليا المواجع بقه.

صاحب السوبر ماركت : عموما مفيش مطافى ولو عاوز تطفى عندك حنفيه بيتكو ابقا استعملها.

الولد : لالالالالالالالالالا يعنى خلاص مفيش امل صوصو كده هيموت منى.

صاحب السوبر ماركت : صوصو ؟؟؟صوصو مين؟؟؟

الولد : عصفورى اللى حرقته وخنقته ودبحته وكسرت رجله فى ساعه نرفزه.

صاحب السوبر ماركت : ده انت مجنون يله انا هكلملك العباسيه .

الولد : سلام بقه كفايه هزار فى التليفون مش عيب عليك راجل كبير وتعاكس فى التليفون وكمان معاد نومى جه.

صاحب السوبر ماركت : يالهووووووووووووووووووووى ده كان بيحور علياااااااا

هههههههههههههههههههه.. ياحليله مؤدب الولد

اليوم جايبة لكم مكالمه تفطسسسسسسسسسس ضحك:77: 34169358

يسلمو حبيبتي
تقبلي مروري

only just me

يسلموووووووووو

ههههههههههههههههههههههااااااي

تسلمي ع الموضوع القميــــل ياااقميله

اليوم جايبة لكم مكالمه تفطسسسسسسسسسس ضحك:77: 2959780166

هههههههههههههيسلموووووووو

» من اليوم ورايح محد بيقص علينا بالعطور