ﻫﺬﺍ ﻭﺍﺣﺪ ﺗﻮﻩ ﻣﻌﺮﺱ ﻭﺧﻠﺼﺖ ﺍﻟﺰﻓﻪ ﻭﺍﻷﻣﻮﺭ ﺍﻟﻠﻲ ﻓﻲ ﺍﻟﻘﺼﺮ.. ﺃﺧﻴﻨﺎ ﻓﻲ ﺍﻟﻠﻪ ﺷﻐﻞ ( ﻳﻌﻨﻲ ﺃﺧﺬ ) ﺣﺮﻣﺘﻪ ﻭﺭﻛﺒﻮﺍ ﻓﻲ ﺍﻟﺴﻴﺎﺭﻩ .. ﻭﺩﻋﺲ ﻟﻠﻘﺼﻴﻢ ﻳﻌﻨﻲ ﺃﻫﻞ ﺍﻟﻌﺮﻭﺳﻪ ﻓﻲ ﺍﻟﺮﻳﺎﺽ ﻭﻫﻮ ﺳﺎﻛﻦ ﺑﺎﻟﻘﺼﻴﻢ
ﻭﺍﻟﺒﻨﻴﻪ ﺗﺴﺘﺤﻲ ﻭﻣﺒﺮﻃﻤﻪ ﻃﻮﻝ ﺍﻟﻄﺮﻳﻖ .. ﻭﺍﻟﺮﺟﺎﻝ ﻣﺎﻏﻴﺮ ﻳﺴﻮﻟﻒ ﻭﻳﻬﺬﺭ ﻭﺍﻟﺒﻨﻴﻪ ﺳﺎﺍﺍﺍﻛﺘﻪ .. ﻣﺎﺍﺍﺍﺍ ﺣﻮﻟﻚ ﺍﺣﺪ
ﺍﻟﺮﺟﺎﻝ ﻳﺄﺱ ﻣﻦ ﺍﻟﺒﻨﺖ ﺇﻧﻬﺎ ﺗﺘﻜﻠﻢ .. ﻭﻗﺎﻝ ﻳﺎ ﻭﻟﺪ ﻣﺎ ﻭﺭﺍﻫﺎ ﻫﺬﺭﺭﻩ ﺃﺷﻐﻞ ﺍﻟﻤﺴﺠﻞ ﻭﺃﻣﺴﻚ ﺍﻟﺨﻂ
ﻓﻲ ﺍﻟﻮﻗﺖ ﻧﻔﺴﻪ ﺍﻟﺒﻨﺖ ﻛﺎﻧﺖ ﺣﺴﺮﺍﻧﻪ ﻭﻣﺘﻮﻫﻘﻪ ﺃﻧﻬﺎ ﺑﺲ ﺗﺘﻜﻠﻢ ﻋﺸﺎﻥ ﺗﻘﻮﻟﻪ ﺃﺑﻲ ﺍﻟﺤﻤﺎﻡ ﺍﻟﻠﻪ ﻳﻜﺮﻣﻜﻢ
ﻋﺎﺩ ﻫﻲ ﻃﻤﺮﺕ ﻋﻠﻰ ﺍﻟﻤﺮﺗﺒﻪ ﺍﻟﻲ ﻭﺭﺍ ﻋﺸﺎﻥ ﺗﻨﺴﺪﺡ ﻋﺸﺎﻥ ﻳﺨﻒ ﻋﻠﻴﻬﺎ ﺍﻟﻮﺟﻊ .. ﺍﻟﻴﻦ ﻳﻮﺻﻠﻮﻥ ﻣﺤﻄﻪ
ﺍﻟﻤﻬﻢ ﺍﻟﺮﺟﺎﻝ ﻣﺎ ﻭﻋﻰ ﺇﻻ ﻫﺬﻳﻚ ﻣﺤﻄﻪ ﻭﻳﺼﻔﻂ ﻋﻨﺪﻫﺎ
ﻭﻳﻨﺰﻝ ﻋﻨﺪ ﺍﻟﺒﻘﺎﻟﻪ ﻭﻳﺎﺧﺬ ﻟﻪ ﻛﻴﺲ ﻓﺼﻔﺺ ﻭﻛﻢ ﺑﺒﺴﻲ ﺣﻖ ﺍﻟﻄﺮﻳﻖ
ﻫﻮ ﻛﺎﻥ ﻭﺩﻩ ﻳﺨﺬ ﻟﻪ ﺷﺮﻳﻂ ﻟﻤﺤﻤﺪ ﺍﻟﺴﻠﻴﻢ ﻋﺸﺎﻥ ﻳﺴﻠﻴﻪ ﻓﻲ ﺍﻟﻄﺮﻳﻖ ﺑﺲ
ﺧﺒﺮﻛﻢ ﺗﻮﻩ ﻣﻌﺮﺱ ﻭﺑﺎﻳﺨﻪ ﻣﺸﻐﻞ ﻣﺤﻤﺪ ﺍﻟﺴﻠﻴﻢ ﺍﻟﻨﺎﺱ ﺗﺸﻐﻞ ﻋﺒﺪ ﺍﻟﺤﻠﻴﻢ ﻭﻻ ﺍﻡ ﻛﻠﺜﻮﻡ ﺧﺬﻟﻚ
ﺍﻟﺒﻨﺖ ﻋﻠﻰ ﻧﺰﻟﺖ ﺯﻭﺟﻬﺎ ﺇﻻ ﻭﺗﻘﺰ ﻫﺬﻳﻚ ﺍﻟﺤﻤﺎﻣﺎﺕ ﺣﻘﺖ ﺍﻟﺤﺮﻳﻢ ﺇﻟﻲ ﻋﻨﺪ ﺍﻟﻤﺴﺠﺪ ﺍﻟﻲ ﺟﻨﺐ ﺍﻟﺒﻘﺎﻟﻪ
ﻗﺎﻟﺖ ﻳﺎﺑﻨﺖ ﺑﻴﻤﺪﻳﻨﻲ ﺃﻃﻤﺮ ﻭﺃﺧﻠﺺ ﻭﺃﺭﺟﻊ ﻗﺒﻞ ﻻ ﻳﺮﺟﻊ ﻫﻮ ﻣﻦ ﺍﻟﺒﻘﺎﻟﻪ
ﺍﻟﻤﻬﻢ ﺍﻟﻤﺴﻜﻴﻨﻪ ﺭﺍﺣﺖ ﻭﺃﺧﺬﺕ ﻭﻗﺘﻬﺎ
ﺃﺧﻴﻨﺎ ﻓﻲ ﻫﺎﻟﻮﻗﺖ ﻗﺪ ﺭﺟﻊ ﻟﻠﺴﻴﺎﺭﻩ ﻭﻋﻠﻰ ﺑﺎﻟﻪ ﻣﺮﺗﻪ ﻓﻲ ﺍﻟﻤﺮﺗﺒﻪ ﺍﻟﻲ ﻭﺭﺍ ﻭﺧﺒﺮﻛﻢ ﻋﺒﺎﻳﻪ ﺳﻮﺩﺍ ﻭﺍﺧﺮ ﺍﻟﻠﻴﻞ ﻣﺎ ﺍﻧﺘﺒﻪ ﺍﻧﻬﺎ ﻣﻬﻴﺐ ﻓﻲ ﺍﻟﺴﻴﺎﺭﺓ ﻭﻫﻮﺷﻐﻞ ﻭﺩﻋﺴﺴﺴﺴﺴﺴﺴﺲ
ﺍﻟﺒﻨﻴﻪ ﺍﻟﻤﺴﻴﻜﻴﻨﻪ ﻃﻠﻌﺖ ﻭﻫﻲ ﻣﺮﺗﺎﺍﺍﺍﺍﺍﺍﺍﺍﺍﺍﺍﺍﺍﺍﺣﻪ ﻭ ﻧﻘﺺ ﻣﻦ ﻭﺯﻧﻬﺎ ﻛﻢ ﻣﻦ ﻛﻴﻠﻮﻭﻭﻭﻭ
ﻭﺗﻨﺎﻇﺮ ﻳﺎ ﺑﻨﺖ ﻭﻳﻦ ﺍﻟﺴﻴﺎﺭﻩ ... ﻭﺗﺘﻠﻔﺖ ﻣﺎ ﺗﺸﻮﻑ ﻏﻴﺮ ﺍﻟﻬﻨﻮﺩ ﺣﻖ ﺍﻟﻤﺤﻄﻪ ﻭﺍﺑﻮ ﻳﻤﻦ ﺣﻖ ﺍﻟﺒﻘﺎﻟﻪ
ﻋﺎﺩ ﺗﺨﻴﻠﻮ ﺍﻟﺼﺪﻣﻪ ﻳﻮﻡ ﻋﺮﻓﺖ ﺍﻥ ﺯﻭﺟﻬﺎ ﺩﻕ ﺳﻠﻒ ﻭﻣﺸﻰ ﻭﺍﻟﺒﻨﺖ ﺍﻟﻤﺴﻜﻴﻨﻪ ﺣﺘﻰ ﻓﻲ ﻧﻔﺴﻬﺎ ﻣﻬﻴﺐ ﺭﺍﺿﻴﻪ ﺗﺼﺪﻕ ﺍﻧﻪ ﻣﺸﻰ .. ﺟﺎﻟﺴﻪ ﺗﺘﺄﻣﻞ ﺍﻧﻪ ﻳﻤﻜﻦ ﺭﺍﺡ ﻣﻨﺎ ﻭﻻ ﻣﻨﺎ ﻭﺑﻴﺮﺟﻊ
ﺷﻮﻱ ﻣﺎ ﻭﻋﺖ ﺍﻻ ﺫ1ﻙ ﺍﻟﺠﻤﺲ ﺍﻟﻠﻲ ﻣﻘﺒﻞ ﻳﻮﻡ ﻭﻗﻔﻮﺍ ﻋﻨﺪ ﺍﻟﺒﻘﺎﻟﻪ ﺍﻟﻲ ﺟﻨﺒﻬﺎ
ﻭﺗﻘﺰ ﺍﻟﺤﺮﻳﻢ ﺍﻟﻠﻲ ﻓﻲ ﺍﻟﺠﻤﺲ ... ﻗﺎﻟﺖ ﺯﻳﻦ ﻋﺎﺋﻠﻪ ﻭﺗﺮﻭﺡ ﻭﺗﺮﻣﻲ ﺭﻭﺣﻬﺎ ﻋﻠﻰ ﺍﻟﺤﺮﻣﻪ ﺍﻟﻲ ﻗﺪﺍﻡ .. ﻭﻫﻲ ﺍﻡ ﺍﻟﻌﻴﻠﻪ ﻭﺗﻘﻮﻝ ﻟﻬﺎ ﺧﺎﻟﺘﻲ ﺍﻧﺎ ﺩﺍﺧﻠﻪ ﻋﻠﻰ ﺍﻟﻠﻪ ﺛﻢ ﻋﻠﻴﻴﻚ .. ﻭﻫﺬﻱ ﻗﺼﺘﻲ ﻭﺍﻟﻌﺠﻮﺯ ﻣﺴﻜﺖ ﺭﺍﺳﻬﺎ ﻭﻗﺎﻟﺖ .. ﻳﺎﺑﻨﻴﺘﻲ ﺍﻧﺘﻲ ﺗﻌﺮﻓﻴﻦ ﺳﻴﺎﺭﺕ ﺯﻭﺟﻚ .. ﻗﺎﻟﺖ ﺍﻳﻪ ﺍﻋﺮﻓﻬﺎ
ﻗﺎﻟﺖ ﻗﻮﻣﻲ ﺍﻃﻤﺮﻱ ﻧﻠﺤﻖ ﻋﻠﻰ ﺯﻭﺟﻚ
ﻭﻳﻌﺒﻮﻥ ﺑﻨﺰﻳﻦ ﻭﻳﺪﻋﺴﻮﻥ ﻭﺭﺍﻩ
ﻧﻌﻮﺩ ﺍﻵﻥ ﻟﺼﺎﺣﺐ ﺍﻟﻔﺼﻔﺺ
ﺍﺧﻴﻨﺎ ﻓﻲ ﺍﻟﻠﻪ ﻣﺮﻳﺢ ﻭﻣﺎﺷﻲ .. ﺑﻌﺪ ﻣﺎ ﻟﻘﻮﻩ ﻓﻲ ﺍﻟﺨﻂ ﻋﻠﻰ ﺑﻌﺪ ﻧﺺ ﺳﺎﻋﺔ
ﻋﺎﺩ ﺗﺨﻴﻞ ﺣﺒﻴﺐ ﺍﻟﻘﺎﺭﺉ ﺍﻧﻚ ﻋﻠﻰ ﻃﺮﻳﻖ ﺍﻟﻘﺼﻴﻢ ﻭ ﻓﺠﺄﺓ ﻭﺭﺍﻙ ﺟﻤﺲ ﻳﻜﺒﺲ ﺑﺎﻟﻨﻮﺭ ﺑﺸﻜﻞ ﻣﺨﻴﻒ ﻳﺒﻴﻚ ﺗﻮﻗﻒ ﻭﺵ ﺭﺩﻩ ﻓﻌﻠﻚ
ﺍﻛﻴﺪ ﺍﻟﺮﺟﺎﻝ ﺩﻋﺴﺴﺴﺴﺴﺴﺴﺴﺲ ﻗﺎﻝ ﻳﺎﻭﻟﺪ ﻫﺬﻭﻻ ﻣﻬﺎﺑﻴﻞ ﺑﻴﻀﺮﻭﻧﻲ ﻭﻣﻌﻲ ﻋﺮﻭﺳﺘﻲ .. ﻭﻳﺎﺍﺍﻓﺸﻴﻠﺔ ﺍﺫﺍ ﺍﻧﻄﻘﻴﻨﺎ
ﻭﺍﻟﺠﻤﺲ ﻭﺭﺍﻩ ﺩﺍﻋﺲ ﻳﺤﺎﻭﻝ ﻣﻌﻪ ﺍﻧﻪ ﻳﻮﻗﻒ .. ﺍﻟﻤﻬﻢ ﺍﻟﺬﻫﻴﻦ ﺍﻟﻠﻲ ﻳﺴﻮﻕ ﺍﻟﺠﻤﺲ ﻋﺮﻑ ﻭﺵ ﻳﺴﻮﻱ .. ﻓﻘﺎﻡ ﻳﻮﻟﻊ
ﻧﻮﺭﺍ ﻟﺠﻤﺲ ﺍﻟﻠﻲ ﻓﻲ ﺍﻟﺪﺍﺧﻞ ﻋﺸﺎﻥ ﺍﻟﻌﺮﻳﺲ ﻳﺸﻮﻑ ﺍﻥ ﺍﻟﻠﻲ ﻓﻲ ﺍﻟﺠﻤﺲ ﻋﺎﺋﻠﻪ
ﻭﺃﺧﻴﺮﺍﺍﺍﺍﺍﺍﺍﺍﺍﺍﺍﺍﺍﺍ .. ﺍﻧﺘﺒﻪ ﻭ ﻳﻮﻗﻒ ... ﻗﺎﻝ ﻭﺵ ﻋﻨﺪﻩ ﺫﺍ
ﻭﻧﺰﻝ ﻭﻫﻮ ﻣﻌﺼﺐ
ﻋﺎﺩ ﻣﻦ ﺍﻟﻠﻲ ﻣﺘﻮﻫﻖ ﻓﻲ ﻫﺎﻟﻤﻮﻗﻒ .. ﺍﻛﻴﺪ ﻫﻮ ﺭﺍﻋﻲ ﺍﻟﺠﻤﺲ ﻳﻘﻮﻝ ﻓﻲ ﻧﻔﺴﻪ ﻭﺷﻠﻮﻥ ﺍﻗﻮﻟﻪ ﺍﻥ ﻣﺮﺗﻪ ﻣﻌﻨﺎ
ﻳﺒﻲ ﻳﺠﻴﺒﻬﺎ ﺑﺄﺳﻠﻮﺏ ﺗﺪﺭﻳﺠﻲ ﻋﺸﺎﻥ ﺍﻟﻌﺮﻳﺲ ﻣﺎ ﻳﻨﺼﺪﻡ .. ﺧﺒﺮﻛﻢ ﻣﺜﻞ ﻫﺎﻟﻤﻮﻗﻒ ﻭﺵ ﺑﻴﻘﻮﻟﻮﻥ ﻋﻨﻚ ﺍﻫﻞ ﺍﻟﻌﺮﻭﺳﻪ ... ﺍﺧﺬﺕ ﺑﻨﺘﻨﺎ ﻭﺿﻴﻌﺘﻬﺎ
ﻭﻟﻠﻪ ﺍﻥ ﺗﻠﺰﻕ ﻓﻴﻚ ﺍﻟﺴﺎﻟﻔﻪ ﻃﻮﻝ ﻋﻤﺮﻙ ﻭ ﺍﻟﻌﺎﻟﻢ ﻳﺘﻤﺸﻮﻭﻭﻥ ﻭﻻ ﻋﻨﺪﻫﻢ ﺳﺎﻟﻔﺔ ﻏﻴﺮﻙ .. ﺗﺼﻴﺮ ﻋﻠﻚ ﺩﺍﺋﻢ ﺍﻟﺤﻠﻰ .. ﻭﻻ ﺗﺼﻒ ﻳﻢ ﻋﻠﻚ ﺍﺑﻮ ﺳﻬﻢ .. ﻳﺘﺸﻤﺘﻮﻥ ﻓﻴﻚ.. ﺍﻟﻤﻬﻢ ﺭﺍﻋﻲ ﺍﻟﺠﻤﺲ ﺳﻠﻢ ﻭﻗﺎﻝ ﻟﻪ ﺍﺧﻮﻱ ﻣﺎ ﻛﺄﻧﻚ ﻣﻀﻴﻊ ﻟﻚ ﺷﻲ
ﻗﺎﻝ ﻟﻪ ﺍﻟﻌﺮﻳﺲ ... ﻻ ﻭﻟﻠﻪ ﻣﺎ ﺿﻴﻌﺖ ﺷﻲ
ﻗﺎﻝ ﻟﻪ ﺗﺄﻛﺪ
ﻗﺎﻝ ﺍﻟﻌﺮﻳﺲ ... ﻭﺷﻠﻮﻥ
ﻗﺎﻝ ﺭﺍﻋﻲ ﺍﻟﺠﻤﺲ .. ﺭﺡ ﻃﻞ ﻓﻲ ﺳﻴﺎﺭﺗﻚ ﺷﻒ ﻓﻲ ﺷﻲ ﻧﺎﻗﺺ ﻟﻚ
ﺍﻟﻌﺮﻳﺲ ﻗﺎﻡ ﻳﻮﺳﻮﺱ ﺣﺘﻰ ﺍﻟﻤﺸﻜﻠﻪ ﻣﺮﺗﻪ ﻣﺎ ﺟﺖ ﻋﻠﻰ ﺑﺎﻟﻪ
ﺍﻟﻤﻬﻢ ﺭﺍﺡ ﻭﺩﺧﻞ ﺧﺸﺘﻪ ﺩﺍﺧﻞ ﺍﻟﺴﻴﺎﺭﺓ ﻭﻗﺎﻝ ﻳﺎ ﻣﺮﻩ ﻓﻲ ﺷﻲ ﻃﺎﺡ ﻣﻨﻨﺎ ﻭﺣﻨﻰ ﻓﻲ ﺍﻟﻤﺤﻄﻪ ﻣﺤﺪ ﺭﺩ ﻋﻠﻴﻪ
ﻭﻳﻮﻡ ﻟﻮﻥ ﻭﺟﻬﻪ ﺑﺪﺍ ﻳﻤﻴﻞ ﻟﻠﻜﺮﺕ ﺍﻻﺣﻤﺮ.. ﻭﻭﻭﻭﻭﻭﻭﻭﻳﻦ ﺭﺍﺣﺖ ﺍﻟﻤﺮﻩ
ﻭﺭﺟﻊ ﻟﺮﺍﻋﻲ ﺍﻟﺠﻤﺲ ﻭﻗﺎﻝ ﻫﺎﺕ ﺍﻟﺴﺎﻟﻔﻪ 00
ﻗﺎﻝ ﻳﺎ ﻭﻟﺪ ﻣﺮﺗﻚ ﻟﻘﻴﻨﺎﻫﺎ ﻋﻨﺪ ﺍﻟﻤﺤﻄﻪ ﺍﻧﺎ ﻭﺍﻫﻠﻲ ﻭﻗﺎﻟﺖ ﻟﻨﺎ ﺍﻧﻬﺎ
ﻧﺰﻟﺖ ﻟﻠﺤﻤﺎﻡ ﻭﺍﻧﺖ ﻣﺸﻴﺖ ﻭﻻ ﺩﺭﻳﺖ ﻋﻨﻬﺎ 00
ﻋﺎﺩ ﺍﻟﻌﺮﻳﺲ ﻛﻞ ﺍﻧﻮﺍﻉ ﺍﻟﻨﻔﺎﺿﺎﺕ ﻧﺰﻟﺖ ﻋﻠﻴﻪ ﺗﻠﻌﺜﻢ ﻭﻻ ﻗﺪﺭ ﻳﺘﻜﻠﻢ
ﺍﻟﻤﻬﻢ ﺭﺍﻋﻲ ﺍﻟﺠﻤﺲ ﺭﺍﺡ ﻭﻗﺎﻝ ﻟﻠﻌﺮﻭﺳﻪ ﻳﻼﺍﺍ ﻃﺴﻲ ﻋﻨﺪ ﺯﻭﺟﻚ ﺷﻮﻓﻴﻪ ﻣﺘﺼﻮﻭﻭﻭﻣﻊ ﻋﻠﻴﻚ
ﺍﻟﻤﻬﻢ ﺍﻟﻌﺮﻭﺳﻪ ﺭﻛﺒﺖ ﻣﻊ ﺯﻭﺟﻬﺎ ﻓﻲ ﺍﻟﺴﻴﺎﺭﻩ ﻭﺍﻧﻄﻠﻖ ﻟﺴﺎﻧﻬﺎ ﺍﻟﻠﻲ ﻛﺎﻥ ﻣﺮﺑﻮﻁ ﻭﻗﺎﻣﺖ ﺗﺘﻌﺬﺭ ﻟﻪ .
ﻭﺗﻘﻮﻝ ﻻ ﺗﺰﻋﻞ ﻣﻨﻲ ﺍﻧﺎ ﻛﻨﺖ ﻣﺴﺘﺤﻴﻪ ﺍﻧﻲ ﺍﻗﻮﻟﻚ ﺍﻧﻲ ﻃﻮﻝ ﺍﻟﺨﻂ ﻭﺍﻧﺎ ﺣﺴﺮﺍﻧﻪ .. ﻭﺍﻧﺖ ﻣﺸﺎﺀ ﺍﻟﻠﻪ ﻋﻠﻴﻚ ﺭﻛﺒﺖ ﺍﻟﺴﻴﺎﺭﺓ ﻭﺍﻧﻄﻠﻘﺖ
ﻫﻬﻬﻬﻬﻬﻬﻬﻬﻪ <== ﻳﺎ ﺷﻴﻦ ﺍﻟﺘﻤﻴﻠﺢ .. ﺗﻮﻫﺎ ﺗﺘﻤﻴﻠﺢ .. ﻋﺎﺩ ﺍﻧﻘﻠﺐ ﺍﻟﻮﺿﻊ ﺻﺎﺭ ﺍﻟﻌﺮﻳﺲ ﻫﻮ ﺍﻟﻠﻲ ﻣﺒﺮﻃﻢ ﻃﻮﻝ ﺍﻟﻄﺮﻳﻖ ﻭﺍﻟﻌﺮﻭﺳﻪ ﺍﻟﻲ ﻗﺎﻋﺪﻩ ﺗﺒﺮﺑﺮ ﻣﺎ ﺑﻘﻰ ﺍﻻ ﺍﻧﻬﺎ ﻫﻲ ﺍﻟﻠﻲ ﺗﺴﻮﻭﻭﻕ ...
ﻣﻨﻘﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻝ
على المرور يا 
ي
